ചൂട്

മനസ്സിലെ ചൂട്
മാംസമുരുക്കി ഒഴുകുന്നു...

സൂര്യന്‍ ഭൂമിയെ വിയര്‍പ്പിക്കുന്ന
ഭീകരന്‍ യന്ത്രമാണെന്ന്
ഇന്നലെ ഭൌമ ശാസ്ത്രജ്ഞരുടെ സെമിനാറില്‍
അഭിപ്രായമുയര്‍ന്നുപോലും.

നമുക്കെന്താ...?
യന്ത്രം അകത്തെ ചൂടിനെ ഉരുക്കി ഒലിപ്പിക്കുന്നില്ലേ!

കാറ്റാടി മരത്തണലും
ചൂടു വീശുന്ന കടല്‍ കാറ്റും
മനസ്സിന്‍റെ ഉരുക്കങ്ങളില്‍
മഴക്കാറു നിറക്കുന്നില്ലേ...
പെയ്യാറില്ലെങ്കിലും.

ചുട്ടു പൊള്ളുന്ന മനുഷ്യനും മനസ്സും

വേനല്‍ മഴയുടെ പൊള്ളുന്ന തുള്ളികള്‍ക്കായ്
കടലാസ്സു തോണികളൊരുക്കി
കാത്തിരിപ്പ് തുടരട്ടെ...

ഞാന്‍ വിയര്‍പ്പുവെള്ളത്തില്‍
കുളിച്ചു വരാം...