ഒരു പൂവ് വിടരുമ്പോലെ...

മനസ്സിന്‍റെ കല്‍പടവില്‍ ഒരു തണുത്ത സ്പര്‍ശം...
ഒരു പൂവ് വിടരുന്ന പോലെ മനസ്സിന്‍റെ
താഴ്വരയിലൊരു മഞ്ഞ് തുള്ളി പൊഴിയുന്നൂ...
അകലങ്ങളിലൊവിടെയോ നിന്ന്
സ്നേഹത്തിന്‍റെ ഒരു പായ്ക്കപ്പല്‍
മനസ്സിന്‍റെ തീരത്ത് നങ്കൂരമിടുന്നു...
പ്രണയത്തിന്‍റെ ആകാശവും സ്വപ്നങ്ങളുടെ
ആഴവും അവളുടെ മനസ്സിലുണ്ട്...
ഞങ്ങള്‍ മഞ്ഞ് വീണ പുല്മേടുകളിലൂടെ
ഭൂമിയുടെ അരികുതേടി നടക്കുകയാണ്...
താമര മൊട്ടൂപോലെ ഇടക്കു വിരിഞ്ഞും
മഴത്തുള്ളി പോലെ ഉള്ളിലേക്ക് ആര്‍ത്തലച്ച് പെയ്തും
വസന്തത്തിന്‍റെ വേരുകളിലൂടെയൊരു
ആകാശ യാത്ര...

അരികെത്തുമോ ...?